БИШКЕК, 3-окт. — Sputnik. Кундуз шаарында "Чек арасыз дарыгерлердин" уюму жайгашкан оорукана бомбалоодон жабыркап, үч киши каза болуп, 30у дайынсыз. Сокку урулган учурда оорукананын имаратында 200 киши бар эле деп айтылат аталган уюмдун сайтына коюлган маалыматта.
"Чек арасыз дарыгерлердин" уюму жайгашкан оорукананын травматология борбору ишемби күнү узакка созулган бамбалоодон олуттуу бөлүгү талкаланды. Уюмдун үч кызматкери курман болуп, 30у дайынсыз",— деп айтылат аталган уюмдун өзүнүн сайтында.
Аба соккусу жасалган учурда Кундуздагы оорукананын травматалогия бөлүмүндө 105 оорулуу жана медкызматкерлер, андан сырткары эл аралык медициналык уюмдардын 80ге чукул өкүлдөрү болгон.
"Чек арасыз дарыгерлердин" уюму Афганистандагы Кабул, Хост, Кундуз жана Лашкаргах шаарларындагы ооруларга жардам көрсөтүп келет. 2014-жылы аталган уюмдун дарыгерлери сегиз миңге чукул операция жасап, 300 ирет кеп-кеңештерди берип, 40 аялдын төрөтүн кабыл алган.
