БИШКЕК, 2-окт. — Sputnik. Жалал-Абаддын облустук прокуратурасы аталган облустук курулуш башкармалыгы менен Бишкек — Ош автожолунун Башкы дирекциясына жол курулушундагы мыйзам бузуулар боюнча кылмыш ишин козгоду. Бул туурасында Башкы прокуратуранын маалымат кызматы билдирет.
Көзөмөл органы ишканаларга Кылмыш кодексинин 171-, 304-жана 315-беренелери менен күнөө такты.
Жогоруда аталган ишканалар Сузак районундагы Орто-Сай айылы аркылуу өткөн Көгарт суусуна көпүрө куруу учурунда жасалган иштердин көлөмүн жасалма түрдө көбөйтүп, алты миллион сом каражатты ашык жазып алышкан.
Учурда тергөө амалдары жүрүп жатат.
