БИШКЕК, 1-окт. — Sputnik. Жума күнү Бишкектин мектептери кадимки тартипте иштей турганын Sputnik агенттигине мэриянын билим берүү башкармалыгынын жетекчиси Сауле Мейрманова билдирди.
Буга чейин социалдык тармактар менен айрым маалымат каражаттарында парламенттик шайлоодон улам жума күнү сабактар кыскара турганын жазып чыгышкан.
Мейрманованын айтымында, Билим берүү жана илим министринин буйругу менен 3-октябрдагы иш күнү күзгү каникулдун алгачкы күнү болгон 4-ноябрга жылдырылды.
Аталган министрлик республиканын бардык мектептеринде келе жаткан жума толук кандуу иш күнү, ал эми ишемби эс алуу күнү экенин белгилейт. Анткени, шайлоо участкалары жайгашкан мектептер бюллетень, урна жана жабдуунун алып келинишине даяр болушу зарыл.
