Азыранкулов: мигранттар боюнча Россия менен түзүлгөн келишим толук ишке ашкан эмес

Жазылуу
Красноярск крайы өкмөтүнүн өкүлдөрү келишим Россия менен Кыргызстандын ортосундагы саясий макулдашуулар боюнча маалыматтын өз убагында жеткирилбегенинен улам аткарылбай жатат деп эсептейт.

БИШКЕК, 30-сен. — Sputnik. Россиядагы кыргызстандыктар түзүлгөн келишимдерге карабастан, бир топ кыйынчылыктарга туш болуп жатышканын эмгек, миграция жана жаштар министри Айбек Азыранкулов Новосибирск облусуна болгон иш сапарынын жыйынтыгы менен билдирди.

Аэропорт кызматкери документ тершерүүдө. Архив - Sputnik Кыргызстан
Мигранттардын Россияда жүрүүсүн мыйзамдаштырууга аз эле убакыт калды
Кыргызстан менен Россиянын ортосундагы июнь айында түзүлгөн келишимдин алкагында РФнын миграциялык мыйзамын бузган кыргызстандык жарандарга 2015-жылдын 10-июлунан 1-ноябрга чейин аталган өлкөнүн аймагына тоскоолдуксуз чыгып кайра кирүүгө уруксат берилген.

Азыранкуловдун айтымында, келишим толук кандуу аткарылбай жатканы аныкталган. Кыргызстандыктар дагы деле айрым кыйынчылыктарга туш болушууда.

"Федералдык миграция кызматы боюнча эч кандай көйгөй жок. Тоскоолдуктар башка мекемелер менен иштешүүдө башталды. Россиянын Чек ара кызматы, ИИМ жана башка структуралары протокол түзүшүп, биздин жарандарды келишимге карабай артка кайтарып жиберишкен", — деди министр.

Министрлик, элчилик өкүлдөрү жана депутаттар маселелерди чечүү үчүн облус губернаторлору менен жолугууну чечишкен.

"Биздин бир аймактын губернаторунун орун басарын аталган көйгөйлөрдү чечүүгө жоопкер кылуу сунушубуз колдоо тапты", — деди Азыранкулов.

Красноярск крайынын өкмөтүнүн вице-төрагасы Виктор Зубарев саясий чечимдердин тезинен кабыл алынышы тийиштүү маалыматтын жеткиликтүүлүгүн кыйындатып жатканын белгиледи.

"Бардык макулдашуу ФМКга жеткени менен ИИМге жетпей калышы мүмкүн. Бул жерде техникалык жагдайлар себеп болуп жатат", — деди ал. 

Москва шаары, кызыл аянт. Архив - Sputnik Кыргызстан
"Патриоттор" скинхеддерден бешбетер үшүбүздү алып койду — Москвадагы мигрант кыз
Июнь айында Кыргызстандын Россиядагы элчиси Болот Жунусов Федералдык миграция кызматынын башчысы Константин Ромадановский менен келишимге кол койгон. Ага ылайык, Кыргызстандын ЕАЭБге кошулушу менен үч жылга Россияга кирүүгө тыюу салынып, мөөнөтүнүн жарымы өткөн кыргызстандык жарандарга жол ачылган.

Буга чейин тыюу салынган 49 миң жарандын 16 миңине Россияга кирүүгө уруксат берилген.

Жаңылыктар түрмөгү
0