БШК Ташиевдин талапкерлигин алып салды

© Пресс-служба президента КР"Республика — Ата-Журт" саясий партиясынын теңтөрагасы Камчыбек Ташиев. Архив
Республика — Ата-Журт саясий партиясынын теңтөрагасы Камчыбек Ташиев. Архив - Sputnik Кыргызстан
Жазылуу
Талапкерлердин мушташы Жалал-Абаддын Сузак районунда болгон. Учурда жабырлануучу — "Өнүгүү-Прогресс" партиясынан талапкер Абдыманап Абдыбахапов, ооруканада дарыланууда.

БИШКЕК, 28-сен. — Sputnik. "Республика — Ата-Журт" саясий партиясынын теңтөрагасы Камчыбек Ташиевдин талапкерлиги алынып, партияга эскертүү берилгенин Борбордук шайлоо комиссиясы билдирди.

Ташиев: мени каралоого аракет жасашты, бирок мен аларга теңелген жокмун
Маалыматка ылайык, БШКда Ташиев менен "Өнүгүү-Прогресс" партиясынан талапкер Абдыманап Абдыбахаповдун чыры боюнча жыйын өттү. 

Буга чейин бейшемби күнү аталган партиянын тең төрагасы Ташиев менен Абдыбахаповдун ортосундагы пикир келишпестик жаралып, натыйжада Ташиевдин атаандашына кол көтөргөнү тууралуу жазылган. Талапкерлердин мушташы Жалал-Абаддын Сузак районунда болгон. Учурда жабырлануучу ооруканада дарыланууда.

Ташиевди каттоодон алып салуу чечими БШКнын жыйынында кабыл алынды. Буга 11 кишинин тогузу макул болгон. "Республика — Ата-Журт" саясий партиясына расмий эскертүү жарыяланды.

Ташиев маалымат жыйында Абдубахаповдун андан 20 миң доллар алды деген дооматын четке каккан.

Жалал-Абад ИИББ Ташиев менен Абдыбахаповдун ортосундагы мушташ боюнча Кылмыш жаза кодексинин 234-беренесине (Байбашчылык) ылайык кылмыш ишин козгогон.

Жаңылыктар түрмөгү
0