Голландия №2 төрөт үйүнө медициналык жабдык берди

© пресс-служба мэрии города Бишкек№2-төрөт үйүнө Голландиядан келген медициналык жабдык.
№2-төрөт үйүнө Голландиядан келген медициналык жабдык. - Sputnik Кыргызстан
Жазылуу
Бишкектеги №2-төрөт үйү жаңы автоклав жана дистилляторлор менен камсыз болду. Башкы дарыгердин айтымында, бул жабдык кош бойлуу аялдарды тейлөөнүн сапатын жакшыртууга шарт түзөт.

БИШКЕК, 28-сен. — Sputnik. Нидерланды падышачылыгынын Кыргызстандагы консулдугу жана Elnura Fondation фонду Бишкектеги №2-төрөт үйүнө медициналык жабдык тартуулаганын шаардын мэриясы билдирди.

Жабдык тапшыруу аземине падышачылыктын ардактуу консулу Елена Юн, Elnura Fondation фондунун төрайымы Алейд ван дер Спек, Саламаттык сактоо департаментинин өкүлдөрү жана аталган мекеменин кызматкерлери катышты.

Медицина жабдуулары. Архив - Sputnik Кыргызстан
Сокулук районунун медицина мекемелерине жаңы жабдык орнотулат
Төрөт үйү жалпы баасы 1,5 миллион сомдук эки автоклавга жана эки дистялляторго ээ болду.

Алейд ван дер Спек Бишкектин саламаттык сактоо мекемелери менен 2005-жылдан бери кызматташып келе жатканын, бул багыттагы аракеттер мындан кийин да улана берерин белгиледи.

Төрөт үйүнүн башкы дарыгери Азамат Алымбаев жалпы эмгек жамаатынан атынан ыраазычылык билдирип, гуманитардык жардам кош бойлуу аялдардын өмүрүн сактоого жана аларды тейлөөнүн сапатын жакшыртууга багытталарын билдирди.

Жаңылыктар түрмөгү
0