БИШКЕК, 27-сен. — Sputnik. Январь-июль айлырында Кыргызстан сыртка саткан товарлар жөнүндө маалыматты Улуттук статистикалык комитет таратты.
Алардын негизинде Sputnik агенттиги Кыргызстандын товарларын эң көп сатып алган мамлекеттердин тизмесин түздү.
- Швейцария – 374 миллион доллар. Негизинен бул мамлекет Кыргызстандын алтынын сатып алат.
Казакстан – 141 миллион доллар. Кыргызстан коңшу мамлекетке жашылча-жемиш, айнек жана желимден жасалган буюмдарды саткан.
Бириккен Араб Эмирлиги – 69 миллион доллар. Бул мамлекет негизинен алтын жана авиакеросин алат.
Россия – 54 миллион доллар. Ал жакка кийим-кече, жашылча-жемиш сатылат.
Өзбекстан – 38 миллион доллар. Өзбекстанга чоюн, болот, дөңгөлөк, лампочка сатылат.
