БИШКЕК, 27 сен — Sputnik. Nirvana тобунун Smells Like Teen Spirit ыры бардык убактагы эң мыкты музыка деп табылганын Daily Mail басылмасы жазып чыкты.
Британиялык программист жана музыкант Мик Гриерсон Fiat компаниясынын тапшырыгы менен жарнамалык кампанияда колдонуу үчүн музыка сынчыларынын версиясы боюнча эң мыкты 50 ырды изилдеп чыкты.
Компьютердик анализ көрсөткөндөй, көпчүлүктүн купулуна толгон ырларда мүнөтүнө 120 темп болгон. Андан сырткары, бир нече негизги аккорддор — A, E, C, G колдонулган. Ырда көбүнчө "жаным" (baby), "сезүү" (feel) жана "сүйүү" " (love) сөздөрү колдонулат. Гриерсон белгилегендей, атагы чыгып, көпчүлүктүн оозуна алынган ырлардын көбүнүн өзгөчөлүгү болуп обону башкаларга такыр окшошпогондугу эсептелет.
Nirvana тобунун ырына өзүнүн оригиналдуулугу менен Жон Леннондун легендарлуу Imagine ыры жана U2 тобунун One чыгармасы жакындаган.
