БИШКЕК, 18-сен. – Sputnik. Үстүбүздөгү жылдын 22-июлунда Ысык-Көлдүн Григорьевка айылындагы Чок-Ак-Сууга агып кеткен 53 жаштагы Казакбай Асанкожоевдин сөөгү табылганын ӨКМ билдирди.
Маалыматка ылайык, эки айдан бери куткаруучулар тарабынан тынымсыз издөө иштери жүргүзүлүп келген.
Асанкожоевдин ташка кептелип калган денесин алгач балыкчылар көрүп, куткаруучуларга кабар беришкен. Алар сөөктү алып чыгышып, милиция кызматкерлерине өткөрүп беришкен.
