БИШКЕК, 17-сен. – Sputnik. Йога менен машыгуу артрит оорусу менен жабыркоочулардын абалын жакшыртат деп эсептейт Journal of Rheumatology журналына жарыяланган макаланын авторлору.
Дарыгерлер йоганын ден соолукка таасирин аныктоо үчүн тизе остеоартрити же ревматоиддик артрит менен жабыркаган 75 адамга изилдөө жүргүзүшкөн. Бейтаптар жумасына эки жолудан йога менен машыгып, эксперимент аяктагандан кийин йога менен алектенбеген топко салыштырганда алардын денелик жана психологиялык абалы 20 пайызга жакышырып, оорусу басаңдаганы аныкталган.
Йога деген сөз санскрит тилинен алынып, "көнүгүү", "ыргактык", "шайкештик" ж.б. маанилерди билдирет. Жалпысынан алганда ал адам өзүнүн денесин, руханий, психикалык абалын башкарып, туруктуу абалга келишине үйрөтө турган көнүгүүлөрдөн түрат.
