БИШКЕК, 17-сен. – Sputnik. Бишкек шаарындагы №4 искусство мектебинин окуучулары Румыния, Венгрия жана Сербия мамлекеттеринде өткөн Эл аралык фольклордук форумга катышканын мэрия билдирди.
Маалыматка ылайык, фестивалга кыргызстандык жаш өнөрпоздор "Манас" айтып, 11 бий жана беш аспаптык композиция менен барышкан.
"Жандуу үн менен аткарылган чыгармалар, улуттук аспаптардын үнү жана улуттук кийимдер көпчүлүктүн кызыгуусун жаратты", — деп айтылат билдирүүдө.
Форум катышуучуларынын айтымында фестивалдын программасы бир жыл бою даярдалган.
Фестивалдын жыйынтыгы менен кыргызстандык өнөрпоздор 2016-жылы Мексикада өтө турган Дүйнөлүк фольклориадага чакыруу алышты.
