"ИИМдеги Бауржан" тууралуу видеонун каарманы айдоочулук күбөлүгүнөн ажыратылышы мүмкүн

Жазылуу
Милиция кызматкерлерине карата осол мамиле жасаган айдоочу тууралуу видео социалдык тармактарда жакынкы күндөрдү пайда болгон.

БИШКЕК, 16-сен. – Sputnik. "ИИМдеги Бауржан" тууралуу видеонун каарманы, Mercedes үлгүсүндөгү унаанын ээси айдоочулук күбөлүгүнөн бир жылга чейин ажыратылышы мүмкүн экенин Бишкек ШИИБ билдирди.

Жол кайгуул кызматкери постто. Архив - Sputnik Кыргызстан
Жол кайгуул кызматы: бир күзөт машинасына 15-20 инспектор туура келет
Буга чейин социалдык тармактарда мас абалындагы айдоочунун Жол кайгуул милициясынын коопсуздук кызматынын инспекторлорун сөгүп-сагып, кармагандары үчүн "ИИМдеги Бауржан" менен коркутканы тартылган видео пайда болгон. Айдоочу менен жүргүнчү интернетте "алтын муун" деп аталып калды.

Маалыматта 13-сентябрь күнү таңкы саат алтыда Чүй проспекти менен Сүйөркулов көчөсүнүн кесилишинде Mercedes Benz каршысындагы тилкеге чыгып, милиция унаасынын жолун торой токтогон. 

Андан кийин Ренат аттуу айдоочу унаадан чыгып, соода түйүндөрүнүн бирине жөнөгөн. Инспекторлор андан машинанын документтерин сураган учурда орой сөздөр менен милиция кызматкерлерин коркута баштаган.

Айдоочуну республикалык наркология борборуна алып баргандан кийин анын мас экени аныкталган. 

Бул боюнча 238-берененин негизинде административдик протокол түзүлдү. Ага ылайык, мас абалында унаа айдаганы үчүн айдоочуга 10 миң сомдук айыптан бир жылга чейин айдоочулук күбөлүктөн ажыратуу жазасы каралган. 

Кармалган айдоочу кое берилген, бирок машина унаа токтотуучу жайга киргизилген. Аталган факт боюнча материалдар Свердлов райондук сотко жөнөтүлдү.

Жаңылыктар түрмөгү
0