Жогорку билимдүү, 1966-жылы Москвадагы ВЛКСМ БКнын алдындагы Жогорку комсомол мектебин, 1967-жылы КМУнун филология факультетин аяктаган.
Эмгек жолу.
- 1954-жылы Кыргызстандын Ысык-Көл облусуна караштуу Ысык-Көл районундагы №54 жылкы заводунда жумушчу болуп иштөөдөн баштаган.
- 1964-жылдардан тарта комсомолдук иштерде эмгектенген.
- 1972-жылы "Кыргызстан" басмаканасында ага редактор, башкы редакторго орун басар болгон.
- 1974 – 83-ж. Кыргызстан КП БКнын инструктору, сектор башчысы, бөлүм башчынын орун басары,
- 1983–86-ж. Кыргызстан мамлекеттик телерадио комитетинин улук редактору,
- 1986–90-ж. Кыргызстан жазуучулар союзунун башкармасынын катчысы.
- 1990-жылы Кыргызстан демократиялык кыймылынын (КДК) уюштуруучусу болгон.
- 1990–95-ж. КР Жогорку Кеңешинин депутаты,
Чыгармалары.
Аңгемелеринин алгачкы жыйнагы 1974-жылы "Боз улан" деген аталыш менен жарык көргөн. "Ыйык журт" "Мезгил, "Мунабия", "Күндү айланган жылдар" жана башка роман, повесть, аңгемелер жыйнактарынын автору. Бир нече чыгармалары сахнага коюлган. 2013-жылы Улуу Британиянын борбору Лондон шаарында "Эрика Клаустун 13 кадамы" аталган чыгармасы англис тилинде жарык көргөн.
Акыркы чыгармасы "Архат" романы.
Сыйлыктары.
"Манас-1000" юбилейлик медалы менен сыйланган.
Кыргызстандын Токтогул атындагы мамлекеттик сыйлыгынын лауреаты
Бүткүл союздук Николай Островский атындагы адабият сыйлыгынын ээси.
Кыргыз эл жазуучусу.
