Салык кызматы: чек арада жүк ташуунун жол-жоболору жөнөкөйлөтүлдү

© Sputnik / Виталий Аньков / Медиабанкка өтүүЧек ара текшерүү зонасы. Архив
Чек ара текшерүү зонасы. Архив - Sputnik Кыргызстан
Жазылуу
Мамлекеттик чек ара аркылуу ташылып жаткан товарлардын эсебин алуу жана түшүндүрүү иштерин жүргүзүү максатында үстүбүздөгү жылдын 12-августунан тартып кыргыз-казак чек арасынын жети өткөрүү пунктунда аймактык салык органдарынын кызматкерлери тарабынан күнү-түнү кезмет уюштурулган.

БИШКЕК, 11-сен. — Sputnik. Кыргыз-казак чек арасында жүк ташуу бир катар жеңилдетилгенин жүргүзүлгөн сурамжылоого таянып Мамлекеттик салык кызматы билдирет.

Маалыматка ылайык, сурамжылоо жүк ташуучулардын чек-арадан өтүүдөгү кыйынчылыктарын билүү максатында жүргүзүлгөн. Анда унаанын чек арадан өтүү убактысы, көзөмөл жүргүзүп жаткан кызматтар, коюлган мыйзамсыз талаптар тууралуу суроолор берилген.

"Айдоочулар чек арадан жүк өткөрүүнүн жол-жоболору бир кыйла жөнөкөйлөтүлгөнүн белгилешти. Алардын айтымында, учурда паспорттук көзөмөлдөн тышкары мурдагыдай кошумча документ топтому талап кылынган жок. Азыркы мезгилде фитосанитардык көзөмөл жүргүзүлүүдө", — деп айтылат билдирүүдө.

Чек-араны өтүп бара жатан жарандар. Архив - Sputnik Кыргызстан
Кыргыз-казак чек арасында импорттоло турган товарларга күнүнө 123 талон толтурулууда
Сурамжылоо жүргүзгөндөр айдоочуларды талон толтурулушу, товар көлөмүн аныктоо критерийи тууралуу маселелер кызыктырарын белгилешти. Бардык суроолорго тийиштүү органдардын кызматкерлери жооп берип, түшүндүрүү иштерин жүргүзүшүүдө.

Үстүбүздөгү жылдын 12-августунан тартып Кыргызстандын ЕАЭБге кошулушу менен кыргыз-казак чек арасындагы бажы көзөмөлү алынган. Ошондон баштап өткөрүү пункттарында 8 миң 107 талон толтурулган, анын ичинен 4 миң 731и импорт, ал эми 3 миң 376сы экспорт үчүн пайдаланылган.

Мындан тышкары, мамлекеттик чек ара аркылуу ташылып жаткан товарлардын эсебин алуу жана түшүндүрүү иштерин жүргүзүү максатында үстүбүздөгү жылдын 12-августунан тартып кыргыз-казак чек арасынын жети өткөрүү пунктунда аймактык салык органдарынын кызматкерлери тарабынан күнү-түнү кезмет уюштурулган. Кезмет 15-сентябрга чейин улантылат.

Жаңылыктар түрмөгү
0