Президент Алмазбек Атамбаев Усубалиевдин өз ишин мыкты билген таза жана чынчыл жетекчи болгонун белгиледи.
"Ал өмүр бою Кыргызстандын кызыкчылыгы үчүн күрөшүп келди, кыргыз элине кызмат жасады. Турдакун Усубалиев өзү менен кошо бүтүндөй бир доорду алып жүргөн, көрүнүктүү мамлекеттик жана саясий ишмер эле", — деди өлкө башчы.
Атамбаев энергетика, айыл чарба тармактарынын түптөлүшүнүн башатында Усубалиев турганын, ал Фрунзенин өнүгүшүнө чоң салым кошконун билдирди.
96 жашында каза болгон Турдакун Усубалиев 24 жыл бою Кыргызстан КП БКнын биринчи катчысы болуп иштеген. Ал үч Ленин ордени, Октябрь революциясынын ордени, Кызыл Туу ордени, Достук ордени жана биринчи даражадагы "Манас" ордени менен сыйланган.
Улуттук Гвардия офицерлери Ала-Тоо аянтында мамлекеттик жана саясий ишмер Турдакун Усубалиевдин сүрөтүн көтөрүп бара жатышат.
Зыйнатка Жогорку Кеңештин төрагасы Асылбек Жээнбеков, экс-президент Роза Отунбаева, Жогорку Сот Феруза Жумашева, Бишкек шаарынын мэри Кубанычбек Кулматов, ошондой эле бир катар мамлекеттик жана коомдук ишмерлер катышты.
Улуттук Гвардиянын аскерлери ардак кароолдо турушат
Усубалиев менен коштошууга келген кыргызстандыктар
Улуттук Гвардиянын офицерлери мамлекеттик ишмердин наамдары менен
Турдакун Усубалиевдин туугандары менен жакындары
Атамбаев энергетика, айыл чарба тармактарынын түптөлүшүнүн башатында Усубалиев турганын, ал Фрунзенин өнүгүшүнө чоң салым кошконун белгиледи.
"Ал өмүр бою Кыргызстандын кызыкчылыгы үчүн күрөшүп келди, кыргыз элине кызмат жасады", — деди президент
Кыргыз Республикасынын Эл баатыры Турдакун Усубалиев
