БИШКЕК, 2-сен. — Sputnik. Буга чейин ажылык сапарга 1600 адам жөнөп кеткен. Бүгүн Ош аэропортунан дагы 200 адам учат. Бул туурасында Кыргызстан мусулмандар Дин башкармалыгынын маалымат кызматынын өкүлү Максат Атабаев Sputnik маалымат агенттигине.
Быйыл Сауд Аравиясы Кыргызстанга ажылык сапарга 3685 орундук квота бөлгөн. Ажыдан мусулмандар 28-сентябрдан тартып 15-октябрга чейин кайтып келишет. Ал эми ажылык сапардын баасы 2550 долларды түзгөн.
Атабаевдин айтымында, учурда Сауд Аравиясынын Медина шаарына 1600 кыргызстандык зыяратчы жеткирилди.
"Кыргызстандан 2-3-рейс менен кеткендерди Сауд Аравиясынан Жунус Саранов жана Жоробай Шергазиев ажылар тосуп алып, ыйык жерлерге зыярат кылдыргандан кийин, Меккеге жөнөтүштү. Зыяратчылардын ден соолугу жакшы, учурда алар менен кыргызстандык эки дарыгер кошо жүрөт", — деди муфтияттын маалымат катчысы.
Муфтияттан буга чейин Сауд Аравиясына зыятарчыларын ташуу үчүн 18 рейс жасаларын билдирген. Кыргызстандан ажылык сапарга барчу 200 кишиден турган биринчи топ 25-августта Ош шаарындагы эл аралык аэропорттон учуп кеткен.
