БИШКЕК, 2-сен. — Sputnik. Аламүдүн районунун Арчалы айылында Улуу Ата Мекендик согуштун катышуучуларына замбирек түрүндө эстелик ачылганын Коргоо министрлиги билдирет.
Салмагы төрт тонналык замбиректин огу 15 чакырымга чейин учат. Ал Советтик армияга 1938-жылы кабыл алынып, Улуу Ата Мекендик согуштун аягына чейин кызмат кылган.
Эстеликти ачуу аземинде Башкы штабдын жетекчиси Асанбек Алымкожоев мекендештердин кайраты менен эрдиги улам кийинки муун үчүн мыкты үлгү болуп келерин белгиледи.
"Жылдар өтөт, бирок фашизмден бүтүндөй адамзатын сактап калып, келечек үчүн өз өмүрүн берген баатырлардын аты түбөлүк эсибизде калат", — деди генерал-майор.
Генерал Султаналы Самсалиев Кызыл Аскердин катарына 1939-жылы чакырылган. Батыш Белоруссияда кызмат өтөгөн. Улуу Ата Мекендик согуш маалында Батыш, Сталинград, Борбордук, 1-Украиналык фронттогу кармаштарга катышып, взводдун командири, аткычтар батальонунун командири болгон. Үч ирет жарадар болуп, бир жолу контузия алган. 15 жылдан ашуун убакыт бою республиканын аскер комиссары болгон.
