БИШКЕК, 29-авг. — Sputnik. Голливуд актеру Том Хэнкстин баласы божомолдоолор боюнча Калифорния штатындагы Мохаве чөлүндө жайгашкан Барстоу шаарына жакын жерде жоголуп кеткен. Ал жерде жигиттин уюлдук телефону табылганын жума күнү RadarOnline жаңылыктар порталы билдирген.
Сайттын маалыматына караганда, акыркы айда 25 жашар Честер Хэнкстен эч кабар болгон эмес. Ал голливуд актеру Том Хенкс менен актриса Рите Уилсондун баласы. Честер 23-июлда Instagram барагына канча бир убакыт интернетке чыкпай турганын жазган.
"Бир ай бою Четтен эч кабар жок. Ал үй-бүлөсү менен досторуна да чалган эмес. Жер сыйпап кеткендей эле болду", — деп жазат маалымат булагы.
Барстоу "Калифорния штатынын метамфетаминдик борбору" катары белгилүү экени айтылат. Актер мурдараак өзүнүн баласы кокаинге көз карандылыктан дарыланып жүргөнүн билдирген эле. Ошондой эле үстүдөгү жылдын мартында Честер Лос-Анжелесте мастардын мушташына катышканы, ал эми июнда Гэтвик шаарынын мейманканасында мас болуп алып, оокаттарды талкалаганы да белгилүү болгон.
