Оштогу Бакунун кичинекей жашоочуларына "Достук" деп аталган ойноочу аянтча курулду

© пресс-служба мэрии города ОшБалдар аянтчасы. Архив
Балдар аянтчасы. Архив - Sputnik Кыргызстан
Жазылуу
Жибек-Жолу аймактык кеңешинде кыргыз, өзбек, азербайжан, түрк, татар жана орус улутунун өкүлдөрү жашайт.

БИШКЕК, 28-август — Sputnik. Эгемендүүлүк күнүнө карата Ош шаарынын "Жибек жолу" аймактык кеңешиндеги Баку көчөсүндө жашаган ар улуттун өкүлдөрү үчүн балдар аянтчасы курулуп, пайдаланууга берилди. 

Аянтчаны куруу үчүн жалпысынан 663 миң сом акча каражаты жумшалган. Анын 630 миң сому АРИС тарабынан, 33 миң сому мэрия тарабынан каржыланган.

Баку көчөсүндө көп улуттун өкүлдөрү жашагандыктан балдар аянтчасынын мааниси чоң экендигин калаа башчысы Айтмамат Кадырбаев белгиледи.

"Бул көчөдө азербайжан эли көп болгондуктан, Азербайжан мамлекетинин Баку шаарынын атына коюлган. Мындан сырткары бул жерде кыргыз, татар, түрк, өзбек улуттары жашайт. Бул балдар аянтчасы келечек муундары үчүн эле эмес, ушул ар улут элдери чогуу бир жерге отуруп баарлашуучу жай болуп калат. Ошон үчүн бул жерди Достук аянтчасы десек туура болот", — деди Кадырбаев.

Жибек-Жолу аймактык кеңешинде кыргыз, өзбек, азербайжан, түрк, татар жана орус улутунун өкүлдөрү жашайт.

Жаңылыктар түрмөгү
0