БИШКЕК, 25-авг. — Sputnik. Шайлоочулардын shailoo.srs.kg сайтындагы алдын ала тизмеси байма-бай жаңыланып жатканын Мамлекеттик каттоо кызматы билдирет.
Аталган ресурс жарандар катталуу статусун билип жана өзүн тизмеден аныктоосу үчүн түзүлгөн.
Ага ылайык, тизме тапшырылган биометрикалык маалымат борбордук системада иштелип чыккандан кийин жаңыланат. Учурда Каттоо кызматында шайлоочулардын тизмесин тактоо иштери жүрүп жатат.
Мекеме 19-августтан 19-сентябрга чейин "Шайлоочулардын тизмесинен өзүңдү текшер" аттуу кампания өтө турганын билдирет. Шаардыктар жашаган жери боюнча шайлоо участокторуна келип, өздөрүн тизмеден текшере алышарын белгилейт.
Шайлоочулар 0312 98-61-41 телефону аркылуу добуш берүү үчүн талап кылынган документтер, шайлоо процесси, биометрикалык маалымат тапшыруу пункттары жана тизме тууралуу маалымат ала алышат.
