Сауд Аравиясында короновирустан кары адам каза болду

© AFP 2023 / FAYEZ NURELDINEСауд Аравия жашоочулары. Архив
Сауд Аравия жашоочулары. Архив - Sputnik Кыргызстан
Жазылуу
Борбор калаа Эр-Рияддын тургуну 71 жаштагы карыя аталган дарттан көз жумду. Мындан тышкары, шаарда короновируска дагы тогуз адам чалдыкканы маалым болду.

БИШКЕК, 19-авг. — Sputnik. Сауд Аравиясында короновирус илдетинен дагы бир адам каза болгонун аталган мамлекеттин Саламаттык сактоо министрлигинин расмий сайты билдирет.

2012-жылдын сентябрь айында Сауд Аравиясында очогу жаралган короновирус дарты Персия булуңу, Түштүк Корея, Таиланд жана башка бир катар мамлекеттерге жайылып кеткен.

Саламаттык сактоо министрлигинин имараты. Архив - Sputnik Кыргызстан
Саламаттык сактоо министрлиги Түштүк Кореядан чыккан вирустун жайылбашына аракет көрүүдө
Министрликтин маалыматында вирустан падышачылыктын борбор калаасында жашаган 71 жаштагы адам каза болгону айтылат. Мындан тышкары, шаарда короновируска дагы тогуз адам чалдыкканы маалым болду.

Статистикага ылайык, 2012-жылдан бери Сауд Аравиясында аталган илдет менен 1115 адам ооруп, анын 480и каза болгон.

Жакынкы Чыгыш респиратордук синдромдун короновирусу жаңыдан башталганда эч кандай өзгөчө белгилери байкалбайт. Илдетке иммунитети төмөн, өпкө оорусунун өнөкөт түрү, кант диабети, боор оорусу менен жабыркаган адамдар көбүрөөк чалдыгат. Вируска каршы азырынча эч кандай вакцина чыгарыла элек.

Августтун аягынан тарта Сауд Аравиясына дүйнө жүзүнөн зыяратчылар ажыга келишет. Кыргызстандан алгачкы зыяратчылар Меккеге 27-августта жөнөп кетишет. КРдин Саламаттык сактоо министрлигин маалыматы боюнча зыяратчылардын 90 пайызы менингит жана сасык тумоого каршы эмдөөдөн өткөн.

Жаңылыктар түрмөгү
0