Экономика министрлиги чек арада талон толтурууну жеңилдетет

© Sputnik / Владимир Пирогов / Медиабанкка өтүүЧек ара "Ак-Жол" пункту. Архив
Чек ара Ак-Жол пункту. Архив - Sputnik Кыргызстан
Жазылуу
Экономика министри Олег Панкратов чек арадагы тыгындардын жана кезектин пайда болушун талон толтуруудагы кыйынчылыктарга жана казак тараптын чек арадан өтүү өзгөчөлүгүнө байланыштырат.

БИШКЕК, 18-авг. — Sputnik. Экономика министрлиги Кыргызстанга импорттолуп жана өлкөдөн алынып чыгып жаткан товарларга талон толтурууну жеңилдетүү маселесин талкуулап жатканын министр Олег Панкратов билдирди.

ЕАЭБ менен Кыргызстандын чек арасындагы бажы тосмолорунун ачылышы менен жаңы талапка ылайык товар ээлери талон толтурушу шарт. Документ чек ара көзөмөлү тарабынан берилет.

Панкратовдун айтымында, учурда товарларды каттоо үчүн берилген талондорду толтурууда кыйынчылыктар жаралууда, анткени жүк ташуучулар мындай талон толтуруп көнгөн эмес. 

"Бул жаңылык азырынча биздин жүк ташуучулар үчүн тааныш эмес болгондуктан, талон толтуруу убакытты алып жатат. Бул өз кезегинде тыгындарды жаратууда. Чек ара кызматындагы бардык бош кызматкерлер көзөмөл пунктунан өтүп жаткан жарандарга жардам бериши керек. Мындан тышкары, ушу тапта документ толтуруу процедурасынын өзүн жөнөкөйлөтүүнү караштырып жатабыз", — деди министр.

Панкратов чек арадагы тоскоолдуктарды чечүү үчүн тиешелүү министрлик менен мекемелердин кызматкерлери кезметте турушканын белгиледи.

"Бир сутка ичинде Эмгек, миграция жана жаштар министрлигине ар кандай маалымат сурап  337 адам кайрылган", — деди чиновник.

Ак-жол чек арасына бара аткан жарандар. Архив - Sputnik Кыргызстан
Сариев: чек ара пункттарынан жарандар жана товарлар эркин өтүүсү керек
Министр чек арадагы көйгөйлөргө казак тарап да себепчи болуп жатканын кошумчалады, анткен, ал жакта чек арадан өтүү бир топ татаал.

Россия, Белоруссия менен Казакстан 2014-жылдын май айында Астана шаарында Евразиялык экономикалык биримдик түзүү боюнча келишимге кол койгон. Макулдашуу 2015-жылдын 1-январынан тарта күчүнө кирди. ЕАЭБдин биринчи саммитинде уюмга Кыргызстандын кошулуусу туурасында келишимге кол коюлган.

Жаңылыктар түрмөгү
0