Пирматов Исхак Айтбаевич. Өмүр баяны

Жазылуу
Исхак Пирматов 1973-жылы 16-ноябрда Фрунзе шаарында (азыркы Бишкек) төрөлгөн. 2000-жылы Ош мамлекеттик университетинин юридика факультетин, 2008-жылы Бишкек каржы-экономикалык академиясынын менеджмент факультетин бүтүргөн.

Эмгек жолу:

  • 1995-2005-жылдары курулуш жана коммерциялык компанияларда жетекчилик кызматтарда иштеген.
  • 2000-2001-жылдары Кыргызстандын Куралдуу күчтөрүнүн катарында кызмат өтөгөн.
  • 2005-2006-жылдары "Кыргызмунайгаз" Ачык акционердик коомунун маркетинг жана материалдык-техникалык жактан камсыздоо боюнча башкармалыгынын башчысынын орун басары болуп иштеген. 
  • 2006-2008-жылдары "Кыргызмунайгаз"  ААКсынын маркетинг жана материалдык-техникалык жактан камсыздоо боюнча башкармалыгынын башчысы болуп эмгектенген. 
  • 2007-2008-жылдары "Кыргызмунайгаз"  ААКсынын башкармалыгынын мүчөсү болгон. 
  • 2008-2010-жылдары "Кыргызмунайгаз"  ААКсынын башкармалыгынын төрагасы кызматын ээлеген. 
  • 2010-жылы октябрда Кыргыз Республикасынын Жогорку Кеңешинин V чакырылыштагы депутаты болуп шайланган.
  • 2010-2011-жылдары Жогорку Кеңештин Транспорт, коммуникациялар, архитектура жана курулуш боюнча комитетинин төрагасы, 2011-2012-жылдары Жогорку Кеӊештин Экономиканын тармактарын өнүктүрүү комитетинин төрагасы болгон. 
  • 2011-2012 — Жогорку Кеӊештин Экономиканын тармактарын өнүктүрүү комитетинин төрагасы
  • 2014-жылдын 28-майында "Республика" фракциясы "Бир бол" партиясына мүчө болгондуктан өзүнүн тизмесинен чыгарган.
  • 2015-жылы парламенттик шайлоого "Бир бол" партиясы менен барып, VI чакырылыштагы Жогорку Кеңешке депутат болуп келген. 
Үй-бүлөлүү, үч баланын атасы.
Жаңылыктар түрмөгү
0
Алгач жаңыларыАлгач эскилери
loader