БИШКЕК, 7-авг. — Sputnik. Президент Алмазбек Атамбаев Кылмыш жана жаза кодексине, Административдик жоопкерчилик жөнүндө кодексине, "Терроризмди каржылоого жана кылмыш жолу менен алынган кирешелерди адалдоого каршы аракеттенүү жөнүндө" өзгөртүү, толуктоо киргизген мыйзамга кол койду.
Мыйзамдын максаты — кылмыш жолу менен алынган кирешелерди адалдоого жана террористтик же экстремисттик иш-аракеттерди каржылоого каршы аракеттенүү багытындагы мыйзам ченем-актыларын жакшыртуу.
Мыйзам Жогорку Кеңеши тарабынан 2015-жылдын 18-июнунда кабыл алынган.
Буга чейин президент террористтик жана экстремисттик даярдыктан өткөндүгү аныкталган КР жарандары кылмыш жаза жообуна тартылары каралган мыйзамга кол койгон.
