БИШКЕК, 6-авг. — Sputnik. Чүй облусунун Кемин районундагы ири цемент заводун курууну токтотуу тууралуу премьер-министр Темир Сариев тийиштүү жарлыкка кол койду. Бул тууралуу өкмөттүн маалымат кызматы билдирди.
Экологиялык жана техникалык коопсуздук боюнча мамлекеттик инспекциясы билдиргендей, аталган заводду куруу "КРдин шаар куруу жана архитектура жөнүндөгү" мыйзамына каршы, башкача айтканда, заводду курууга жана мамлекеттик экспертизанын долбоордук документтери жок жүргүзүлгөн.
Буга чейин Темир Сариев Чүй облусуна болгон иш сапары учурунда цемент заводунан чыккан чаң жогорку чыңалуудагы "Кемин" подстанциясына зыян алып келет деп, анын курулушун токтотуу боюнча буйрук берген. Завод менен подстанциянын ортосундагы аралык 1 чакырымда гана түзөт.
2014-жылы аталган заводдун пайдубалын түптөө салтанатына биринчи вице-премьер-министр Тайырбек Сарпашев баштаган өкмөт мүчөлөрү катышкан.
