Бердымухамедов Жеңиш аянтындагы Өчпөс отко гүлчамбар койду

© Sputnik / Табылды КадырбековПрезиденттер Алмазбек Атамбаев жана Гурбангулы Бердымухамедов. Архив
Президенттер Алмазбек Атамбаев жана Гурбангулы Бердымухамедов. Архив - Sputnik Кыргызстан
Жазылуу
Эки өлкө башчысы ардак кароолдун жанынан монументке карай өтүп, Кыргызстан менен Түркмөнстандын мамлекеттик желектеринин түсүндөгү лента тагылган гүлчамбар коюшту.

БИШКЕК, 6-авг. — Sputnik. Алмазбек Атамбаев жана Гурбангулы Бердымухамедов бүгүн Жеңиш аянтындагы Өчпөс отко гүлчамбар коюшуп, Улуу Ата Мекендик согушта курман болгондордун элесине таазим этишти.

Бердымухамедов КР жоокерлери менен саламдашты
Эки өлкө башчысы ардак кароолдун жанынан монументке карай өтүп, Кыргызстан менен Түркмөнстандын мамлекеттик желектеринин түсүндөгү лента тагылган гүлчамбар коюшту. 

Аземге Кыргызстан менен Түркмөнстандын өкмөт мүчөлөрү да катышты. 

Түркмөнстандын президенти Кыргызстанга мамлекеттик иш сапары менен 5-августта келген. Анын алкагында президенттер чакан жана кеңейтилген жолугушууларды өткөрүп, 15 документке кол коюлду. Бердымухамедовдун мамлекеттик иш сапары 6-августка чейин уланат.

Жаңылыктар түрмөгү
0