БИШКЕК, 6-авг. — Sputnik. Чүй облусундагы нефть иштетүүчү эки завод толук кандуу ишке кириши керектигин экономика илимдеринин доктору Жумакадыр Акенеев билдирди.
Акенеев Кыргызстан ЕАЭБге кириши менен күйүүчү майды Россиядан эле эмес, башка мамелкеттерден да алууга мүмкүнчүлүгү пайда болгонун белгилейт. Мисалга, Казакстан өзү чыгарган мунай өндүрүмдөрүнүн үчтөн бир гана бөлүгүн пайдаланат.
"Россиялык продукциянын тартыштыгы байкала турган болсо, Кыргызстан өз керектөөсү үчүн күйүүчү майды коңшу өлкөлөрдөн сатып ала алат. Негизинен бензин баарыбызга жетет", — деди эксперт.
Илимпоз Чүй облусунда жайгашкан эки нефть иштетүүчү завод толук кандуу ишке кириши керектигин белгилейт.
"Бул заводдордун өнөр жай кубаттуулугу жалпы республиканын муктаждыгын жабууга жарайт. Мында Казакстандан бензиндин ордуна чийки зат гана сатып алуу арзан түшөт", — дейт Акенеев.
Эксперттин баамында, президент Гурбангулы Бердымухамедовдун мамлекеттик иш сапарынан улам Кыргызстан энергетикалык коопсуздугун камсыздоо үчүн Түркмөнстан менен соода мамилесин активдештире алат.
"Бул электрэнергиянын фьючерстик ыкма менен жеткирүү жана газ түтүгүнө кошулуусунда гана мүмкүн болот. Ал эми энергетика алып жүрүүчүлөрдү Түркмөнстандан арзан баада сатып алуу өткөн жылдардын кыйынчылыктарын алдын алууга болот", — деди Акенеев.
Шейшемби күнү Казакстандын президенти Нурсултан Назарбаев акыркы болуп Кыргызстандын ЕАЭБге кошулуу туурасындагы келишимди ратификациялады. Жакынкы арада кыргыз-казак бажы тосмолорунун ачылышы күтүлүүдө.
