БИШКЕК, 4-авг. — Sputnik. Бишкек шаарынын тургуну Жайнагүл Кожогулова өзүнүн эки жашар кызын кайтарып алганын Акыйкатчынын маалымат кызматы билдирди.
Буга чейин Кожогулова Аккыйкатчы институтуна кайрылып, жарандык жолдошу Азамат Токтобеков бир жылдан бери кызын бербей жатканын кабарланган. Анын айтымында, кыз Ош облусунун Кара-Кулжа районундагы Толотой айылында чоң энеси Дилде Тезекбаева жана атасы менен жашап келген.
Кожогулова өзүнүн туугандары менен бир нече жолу Толотойго кызын алып кетүү үчүн келген. Бирок кайненеси менен жолдошу кызды бермек түгүл, көрсөтпөй коюшкан.
Аталган факт боюнча Кожогулова Кара-Кулжа РИИБ жетекчиси Караевге бир нече жолу кайрылган, бирок мындан эч натыйжа чыккан эмес.
Акыйкатчы институтунун кийлигишүүсүнөн кийин келинге кызы кайтарылып берилди.
