БИШКЕК, 31-июль — Sputnik. БУУнун Өнүктүрүү программасынын, Жаңы Зеландиянын жана Кыргызстандын биргелешкен "Айыл экономикасын жана мал чарбачылыгын өнүктүрүү" биргелешкен долбоорунун алкагында Нарын облусунун социалдык-экономикалык өнүгүүсүнө жардам берилгенин долбоордун маалымат кызматы билдирет.
Мындан тышкары, аз камсыздалган 144 үй-бүлө үчүн мал улап алууга 720 баш кой таратылды. Шарт боюнча, эки жылдык төлдөн кийин койдун башы башка муктаж адамдарга өткөрүлөт. Ал үй-бүлөлөргө мындан тышкары, тоют камдоо үчүн эспарцет менен арпанын уругу, жер семирткичтер берилди.
Долбоордун алкагында Нарын облусу боюнча 12 күнөскана жана 72 парник жасалып, ээлерине жашылча-жемиштин жогорку сапаттагы уругу таратылды. Жакын арада айылдыктар нан азыктарын жана курут жасоочу заманбап жабдуу менен камсыз болушат.
БУУнун Өнүктүрүү программасынын, Жаңы Зеландиянын жана Кыргызстандын биргелешкен "Айыл экономикасын жана мал чарбачылыгын өнүктүрүү" долбоору айыл жергесинде бизнести жана тургундардын ишкердүүлүк мүмкүнчүлүгүн өнүктүрүүгө багытталган.
