БИШКЕК, 29-июль — Sputnik. Радикалдык "Талибан" уюмунун согушкерлери Афганистандын түндүк-чыгышындагы Кундуз провинциясында калк жашаган 80 аймакты басып алды. Бул туурасында провинциянын өкүлү билдирди.
"Өткөн түндө "Талибан" кыймылынын согушкерлери 80 айылды басып алды, ага каршылык көрсөтөм деген 14кө жакын киши жарадар болуп, бир катарлары кырылып калды", — деп билдирген TOLO News телеканалы провинциянын кеңеш башчысы Мухаммад Юсуф Аюбинин маалыматына таянып.
Мындан эки күн мурда согушкерлер Кундуздун Ханабад аймагына кол салып, бирок, жергиликтүү жашоочулардын каршылыгына кабылган.
"Талибан" Афганистандын аймагында жайгашкан радикалдык кыймыл. Өкмөттүн аскердик күчтөрү буларга каршы согуштук операцияларды үзгүлтүксүз жүргүзүп келишет. Өкүнүчтүүсү, жергиликтүү жашоочулар кагылышуулардын курмандыгы болуп калган учурлар көп кездешет.
