БИШКЕК, 28-июль — Sputnik. Бишкек шаарынын Менделеев көчөсүндөгү үйдө өзгөчө мыкаачылык менен өлтүрүлгөн аялдын сөөгү 24-июлда табылганын ИИМдин маалымат кызматы билдирди.
19 Бирдин айы 2015, 10:36
Окуя болгон жерге Октябрь райондук ички иштер башкармалыгынын ыкчам тобу барган. Каза болгон аял 34 жаштагы киши менен бир жылдай чогуу жашап келгени аныкталган. Эркек мас абалында жарандык никеде жашаган аялын такай сабап келген. Ал күнү күйөөсүнүн кордугуна чыдабаган аял тааныштарыныкына барып жашынганы менен таап алып, аябай катуу сабаган.
Соттук медициналык экспертиза каза болгон аялдын 11 кабыргасы сынганын жана бети баша көгала болгонун тастыктаган.
Аталган факт боюнча Октябрь РИИБдин тергөө бөлүмү Кылмыш жаза кодексинин 97-беренеси (+згөчө мыкаачылык менен киши өлтүрүү) боюнча кылмыш козгогон. Бул кылмыш ишине шектүү делип, 34 жаштагы киши кармалды.
Каза болгон аялдын ким экендиги эки күндөн кийин гана аныкталып, ал 36 жаштагы Жалал-Абад облусунун тургуну экени белгилүү болду.
