БИШКЕК, 25-июль — Sputnik. "Кыргызстандын улуттук электр түйүнү" ишканасынын Чүйдөгү филиалы КМШ мамлекеттеринин электрэнергетика тармагында иштеген мыкты бригаданы аныктоо боюнча өткөрүлө турган эл аралык мелдешке катыша турганын мекеменин маалымат кызматы билдирет.
Чүй филиалы республика масштабындагы 110 жана андан ашык киловольттуу жогорку чыңалуудагы линияны тейлеген ишканалар арасындагы сынакта жеңишке жетишкен.
Мелдеш алты баскычтан туруп, катышуучулардын теориялык жана практикалык билимин иш жүзүндө текшерүүгө багытталган.
Сынактын жыйынтыгы менен Чүй ишканасы биринчи орунга, Жалал-Абад ишканасы жкинчи орунга чыккан. Ал эми Ош филиалы үчүнчү орунду ээлеген.
