БИШКЕК, 20-июль — Sputnik. Жазасын турак колонияда өтөп жаткан аялдар жана жашы жете электер абактан качып, үч айдын ичинде кайра кайтып келсе, кылмыш жоопкерчилигине тартылбай турганын Мамлекеттик жаза аткаруу кызматы билдирди.
Маалыматка ылайык, үстүбүздөгү жылдын 24-июнда "Аялдарга жана жашы жете электерге мунапыс жарыялоо жөнүндө" мыйзамга кол коюлган.
Мыйзам расмий күчүнө киргенден тартып үч айга чейин турак колониясынан качкан аялдар же жашы жетек электер түрмөгө кайтып келсе, кылмыш жоопкерчилигинен бошотулуп, "абактан качуу" факты боюнча козголгон кылмыш иши токтотулат.
