1981-жылы 2-январда Фрунзеде төрөлгөн. Жогорку билимдүү. 2003-жылы Кыргыз улуттук университетинин Эл аралык билим берүү программаларын интеграциялоо институтунун Кыргыз-европалык факультететин, 2006-жылы Кыргыз мамлекеттик юридикалык академияны, 2009-жылы Россиянын Тышкы иштер министрлигине караштуу Дипломатиялык академиянын "Эл аралык байланыштарды башкаруу" бөлүмүндө кесипкөйлүгүн жогорулатуу программасын аяктаган.
Эмгек жолу
- 1997 — Кыргыз мамлекеттик телерадиокомпаниясынын "Мандарин" жаштар-маалыматтык программасынын директору.
- 1999-2001 – Аймактык изилдөөлөр инистутутунда ассистент.
- 2001-2004 — Кыргыз Республикасынын Каржы министрлигинин алдындагы Экономиканы өнүктүрүү фондунун башкы адиси.
- 2004-2005 — "Манас" Эл аралык аэропорту" ААКтын сатып алуулар боюнча адиси.
- 2005-2006 — Кыргыз Республикасынын өкмөтүнүн алдындагы Сатып алуулар жана материалдык резервдер боюнча мамлекеттик агенттиктин ченем-инспекциялык бөлүмүнүн башчысы, башкармалыктын жетекчиси.
- 2005 — "Либералдык-прогрессивдүү жаштар" партиясын түзүп жетектеген.
- 2007 — "Ак Жол" элдик партиясынын" саясий кеңешинин мүчөсү, Жогорку Кеңештин IV чакырылышындагы депутаты. Экономика, бюджет жана каржылар боюнча комитеттин төрагасынын орун басары.
- 2008 – "Ак Жол" элдик партиясынын" Жаштар комитетинин төрагасы.
- 2009 – "Ак Жол" элдик партиясынын" депутаттык фракциясынын лидеринин орун басары.
Акыркы жылдары Кунакунов "Жаштар өкмөтү" бирикмесинин лидери катары белгилүү.
