БИШКЕК, 20-июль — Sputnik. Согушчандарды кармоо боюнча жүргүзүлгөн атайын операциядан үй-жайы күйүп кеткен жарандарга жардам көрсөтүү үчүн комиссия түзүлөт.
16-июлда Бишкек шаарынын Горький жана Темиров көчөлөрү жактагы үйдө жашынды делген эл аралык террордук топтун мүчөлөрүн жок кылуу учурунда гранаталар ыргытылгандыктан жакын турган башка турак-жайлар да жапа чеккен.
Ахмедованын айтымында, комиссия келтирилген материалдык зыяндын көлөмүн эсептеп чыгат.
"Комиссиянын чечими менен өкмөт турак-жайсыз калган адамдарга көрсөтүлүүчү жардамдын түрүн аныктайт", — деди ал.
Согушчандарды жок кылуу боюнча атайын операциянын натыйжасында беш үй күйүп кеткен.
Эл аралык террордук топтун мүчөлөрү делинген согушчандар жашынган үйдү алуу учурунда 4 согушчан каза болуп, укук коргоо органынын 4 кызматкери жабыр тарткан.
