БИШКЕК, 17-июль — Sputnik. Бишкектин борборунда согушчандарды жок кылуу операциясы учурунда ал жерде чет элдиктер да жүргөнүн күбөлөр Sputnik сайтына билдиришти.
Күбөлөрдүн айтымында, окуя болгон жерге 5-6 чет элдик жарандар келип, болуп аткан операция боюнча көптөгөн суроолорду сурашкан.
"Алар Израилден келген туристтер экенин айтышты. Байкашыбызча алар окуя тууралуу көп маалыматтарды билет экен жана жашынгандар "Ислам мамлекети" террордук тобунун террористтери экенин айтышты. Алар жергиликтүү тургундардан маалымат чогултуп жүрүшкөндөй туюлду. Кайдан келдиңер? жана эмне кылып жатасыңар? деген суроолорубузга жооп беришкен жок. Чет элдиктер аябай эле шектүү болушчу", — деди жергиликтүү тургундар.
Алардын айтымында, чет элдиктер болжол менен кечки саат 11.00дөрдө Горький жана Темиров көчөлөрү жакта жүрүшкөн. Чет элдиктер чындап эле турист болушса, караңгыда атышуу болгон жерде эмнеге жүрүштү? деп жергиликтүү тургундар суроо салышат.
