БИШКЕК, 17-июль — Sputnik. Иран менен Афганистандын президенттери — Хасан Роухани жана Мохаммад Ашраф Гани кыргызстандыктарды Орозо айт майрамы менен куттуктады. Бул тууралуу КР президентинин маалымат кызматы билдирди.
Ирандын президенти Хасан Роуханинин куттуктоосунда Орозо айт майрамы адамдарды өзүнүн нукура табиятына кайрылып келүүгө чакырып, ар кандай зордуктан, экстремизмден оолак болууга үндөйт, деп айтылат.
Ал эми Афганстандын президенти Мохаммад Ашраф Ганинин куттуктоосунда жараткандан ыйык Орозо айында — кечиримдүүлүктүн айында күнөөлөрдүн бардыгын кечирүүнү жана кыйноолордон арылууну суранам, деп айтылат.
Эки мамлекеттин президенттери жалпы Кыргызстандын элине гүлдөп өнүгүү каалады.
