БИШКЕК, 16-июль — Sputnik. Өрт өчүрүүчүлөрдүн беш машинасы атышуу болгон аймакта өрттөнүп жаткан үйдүн жанында күзөтүп турат. Бул тууралуу Өрт өчүрүүчүлөр билдирди.
Маалыматка ылайык, өрт өчүрүүчүлөр толугу менен даяр.
"Атышуу болуп жаткандыктан күйүп аткан үйдү өчүрүү баштала элек", — деп билдирди аталган кызматтын өкүлү.
Бишкек шаарынын Горький жана Темиров көчөлөрүнүн кесилишинде атышуу болуп, эл аралык террордук топтун мүчөлөрүн жок кылуу боюнча атайын операция жүрүүдө. УКМКнын маалыматына ылайык, эки согушчан жок кылынды.
