Данияр Нарымбаев ээлеген кызматынан бошотуу боюнча арыз жазды

© Пресс-служба президента КР / Султан ДосалиевКР президентинин аппарат жетекчиси Данияр Нарымбаев. Архив
КР президентинин аппарат жетекчиси Данияр Нарымбаев. Архив - Sputnik Кыргызстан
Жазылуу
Буга чейин ЖМКлар экс-депутат Түлеевдин үй-бүлөсүнөн пара талап кылганы үчүн президенттин аппарат жетекчиси кармалганын жазып чыгышкан. Бирок, президенттин аппаратынын жетекчиси Данияр Нарымбаев ага коюлган айыптарды четке кагып, өзүнүн кармалган боюнча ЖМКлардан укканын айткан.

БИШКЕК, 16-июль — Sputnik. КР президентинин аппарат жетекчиси Данияр Нарымбаев ЖК депутаты Хаджимурат Коркмазовго ачылган кылмыш иши иликтенип аткан учурда ээлеген кызматынан бошотуу боюнча президентке арыз менен кайрылды. Бул тууралуу президенттин маалымат кызматы билдирди.

"Жогорку Кеңештин депутаты Хаджимурат Коркмазовго ачылган кылмыш ишин иликтөөгө байланыштуу жана менин кармалышым боюнча ЖМКда тарап кеткен маалыматка эч кандай тиешем жоктугун билдирем. Ошондой эле, иликтөөнүн жүрүшүнө таасир берет деген шек жаратпоо үчүн президенттин аппаратынын жетекчиси кызматынан иликтөө жүрүп жаткан учурда бошотууңузду суранам", — деп айтылат Нарымбаевдин арызында.

Данияр Нарымбаев кармалышы боюнча тарап кеткен имиштерге түшүндүрмө берди
Буга чейин бир катар жалпыга маалымдоо каражаттары экс-депутат Нариман Түлеевдин үй-бүлөсүнөн пара талап кылганы үчүн президенттин аппарат жетекчиси кармалганын жазып чыгышкан. Бирок, президенттин аппаратынын жетекчиси Данияр Нарымбаев ага коюлган айыптарды четке кагып, өзүнүн кармалган боюнча ЖМКлардан укканын айткан. Ошондой эле, аны эч ким кармабаганын жана суракка чакырбаганын айткан.

Жаңылыктар түрмөгү
0