БИШКЕК, 11-июнь — Sputnik. Адабиятчы, окумуштуу Абдылдажан Акматалиевдин "Көңүлдөгү өмүр" деген ыр жыйнагы "Avrasya Press" басмасынан чыкты. Бул туурасында Улуттар илимдер Академиясынын маалымат кызматы билдирди.
Жыйнакта калемгер улуу жазуучу Чыңгыз Айтматовдун жаркын элесине арналган 50 дөн ашуун ырлары жана поэмалары кеңири орун алган. Автор Чыңгыз Айтматов жарык дүйнөдөн кайткандан кийинки коомдогу саясий, адеп-ахлактык маселелерге назар салат.
"Жазуучу менен окурмандын ортосундагы көз карашты жалпылап, жан дүйнөлөрүн ачып, айлана-чөйрөдө болуп жаткан терс окуяларга тынчсызданат",— деп жазылат маалымат кызматы тараткан кабарда.
Ошону менен бирге китепке автордун философиялык жана лирикалык маанидеги ырлары киргизилген.
