БИШКЕК, 11-июнь — Sputnik. "Чоң капка" бажы-өткөрмө пункту Кыргызстандын Евразия экономикалык союзуна кошулушуна ылайыкташтырылды жана Казакстан менен чек араларды ачууга даяр. Бул туурасында Мамлекеттик бажы кызматынын төрагасы Адамкул Жунусов премьер-министр Темир Сариев Таласта аталган бажы-өткөрмө пунктунун иши менен таанышып жүргөндө билдирди.
Сариев ЕАЭБге толук кошулуп, чек аралар ачылган соң коңшу өлкөдөн кирип чыккандардын саны көбөйөөрүн билдирип, бул ишти өз деңгээлинде уюштуруу тапшырмасын берди.
Иш-сапардын алкагында Кара-Бура районундагы өсүмдүктөрдү зыянкечтерден коргоочу биологиялык каражаттарды өндүрүүчү биофабриканын жана Киров суу сактагычынын иши менен таанышты.
