БИШКЕК, 9-июль — Sputnik. Президент Алмазбек Атамбаев улуу агасы Кайлыйбек Шаршеновду жерге бергенден кийин ШКУ саммитине катышуу үчүн Уфа шаарына жөнөп кетти.
Өлкө башчынын агасы Калыйбек Шаршенов 64 жаш курагында дүйнө салды. Сөөк коюу зыйнаты бейшемби күнү өттү.
Башкыртстан борбору Уфа шаарында 10-июль күнү Кыргызстан да курамына кирген ШКУ саммити өтөт. Агасынын каза болгонунан улам Атамбаев бейшембиге дайындалган Афганистандын президенти Ашраф Гани менен боло турган жолугушуунун мөөнөтүн жылдырууга аргасыз болгон.
Жума күнү КР президенти ШКУ мамлекет жетекчилеринин тар жана кеңейтилген чөйрөдөгү жыйындарына катышат. Мындан тышкары, Атамбаевдин Иран президенти Хасан Роухани менен жолугушуусу пландаштырылган.
