БИШКЕК, 9-июль — Sputnik. Кыргызстандын футбол боюнча улуттук курама командасы FIFAнын июнь айына карата жаңыртылган тизмесинде 20 орунга көтөрүлгөнүн футбол федерациясы билдирди. Апрель, март айларында 153-орунду ээлеп турган команда май айындагы рейтингде 177-орунга жылып кеткен.
2018-жылы өтө турган дүйнө чемпионатынын тандоо турунун алкагында КР курама командасы эки оюн өткөрүп, Бангладештин футболчуларын 3:1 эсеби менен утса, австралиялыктардан 1:2 эсеби менен жеңилип калган.
Азия өлкөлөрүнүн футбол конфедерациясынын рейтингинде Кыргызстан 29-орунда турат. Күчтүү делген командалардын алдыңкы сабында бир катар өзгөрүүлөр болду. 2014-жылы Бразилияда өткөн дүйнө чемпионатынын жыйынтыгы менен көп жылдан бери биринчи болуп келе жаткан Германия лидерлик орунду Аргентина командасына бошотуп берди.
Июнь айынын эң начар командасы болуп 29 орун артка жылып кеткен Борбордук Африка Республикасы табылды. Ал эми 37 орунга көтөрүлүп 118-орунду багындырган Белиза курама командасы мыкты болду.
