БИШКЕК, 9-июль — Sputnik. Баткен шаарында кургатылган өрүктүн бир килограммы 800 сомго жеткенин жергиликтүү тургун Медер Ниязалиев Sputnik сайтына билдирди.
Ниязалиевдин айтымында, былтыр өрүктү үшүк алып кеткен.
"Андыктан түшүм аз болду. Тургундар былтыркы чогултуп, кургатып алган өрүктөрүн сатып жатат. Анын баасы учурда 800 сомдон 1000 сомго чейин сатылууда", — деди ал.
31 Жалган Куран 2015, 12:09
Ниязалиев өрүктү көбүнчө тажикстандыктар келип сатып алып, баргекти (кургатылган өрүк) Тажикстандын продукциясы деп башка жактарга сатарын кошумчалады.
Жазында өрүктөр гүлдөгөн убакта кар жаагандыктан, түз жердеги өрүктөрдүн көбүн үшүк алып кеткенин айткан Ниязалиев, өрүк тоо этектериндеги жерлерге эле жакшыраак чыкканын билдирди.
Учурда дыйкандар быйылкы өрүктөрдү данегинен ажыратып, кургатуу аракеттерин көрүп жатышат.
