БИШКЕК, 9-июль — Sputnik. Ошто бала бакчалар санитардик-гигиеналык абалын, бөбөктөргө берилүүчү тамактын сапатын билүү жана коррупциялык схемалардын алдын алуу максатында текшериле баштады.
Биринчи күнү эки бала бакча текшерилип, атайын түзүлгөн комиссия бир нече кемчиликтерди тапты.
Мэрия шаардагы бала бакчалардын директорлору жана ата-энелер комитети менен жыйын өткөрүп, негизинен балдарды тамактандыруунун сапатын жакшыртуу жана кездешип жаткан коррупциялык элементтерди талкуулады.
Жыйындын жыйынтыгында мэриянын алдында бала бакчалардагы санитардык-тазалык абалды жакшыртуу, балдардын тамактарынын сапатын арттыруу жана аларды эмдөө боюнча көз карандысыз комиссия түзүлмөй болду.
Мэриянын буйругуна ылайык, балдарга тарбия берүү жана алардын билим сапатын текшерүү боюнча жалпы көрсөткүчүн аныктап чыгуу планы коюлду.
