БИШКЕК, 9-июль — Sputnik. Казакстандын парламентинин жогорку палатасы Кыргызстандын ЕАЭБге кошулуусу тууралуу келишимди колдоду.
Казакстандын экономика минстри Ерболат Досаев билдиргендей, Кыргызстандын аталган биримдикке кирүүсү ЕАЭБ өлкөлөрүнө калктын жашоо турмушун жакшыртуу максатында экономикаларын өнүктүрүүгө, рынокту кеңейтүүгө жана Евразиялык интеграциялык уюмдун кадыр-баркын жогорулатууга өбөлгө болот.
Кыргызстандын ЕАЭБге кошулушу жөнүндө келишимге Москвада өткөн евразиялык экономикалык кеңештин жыйынында кол коюлган. Бирок өлкө биримдикке толук кандуу кирүүсү үчүн аталган макулдашууну уюмга мүчө бардык мамлекеттер ратификацилашы керек.
Президент Алмазбек Атамбаев 21-майда Кыргызстандын Евразиялык экономикалык биримдикке кошулуусу жөнүндө келишимин ратификациялоо боюнча мыйзамга кол койгон.
Буга чейин макулдашуу Армения, Белоруссия жана Россия парламенттери тарабынан колдоого алынган.
