БИШКЕК, 7-июль — Sputnik. Sputnik Эл аралык маалымат агенттиги жана радиосу Латвия тарап каттоо жөнүндө докменттерди кароо мөөнөтүн негизсиз создуктуруп жатат деп эсептейт. Тийиштүү маалым кат Латвиянын ишканаларды каттоо боюнча мамлекеттик башкы нотариусуна жөнөтүлгөн. Каттоо боюнча документтерди Агенттик 2015-жылдын апрелинде толугу менен жана Латвиянын мыйзамдарына ылайык берген.
Каттоого алуу жөнүндө арызды кароо мөөнөтү экинчи жолу жылдырылып, чечим кабыл алуу мөөнөтү узартылганы туурасында малымат кат Sputnik Эл аралык маалымат агенттиги жана радиосунун ээси "Россия сегодня" Эл аралык маалымат агенттигине 2015-жылдын 6-июлунда келген. Анда Латвия тарап каттоо жөнүндө арыз эмне үчүн кошумча кароону талап кылгандыгынын себептерин көрсөткөн эмес. Каттоочунун сайтындагы маалыматка ылайык, арыздарды кароо мөөнөтү 1-5 күн деп белгиленген.
Sputnik Эл аралык маалымат агенттиги жана радиосунун башкы редактору Маргарита Симоньян Sputnik дүйнөнүн отуздан ашуун өлкөлөрүндө өлкө менен жер жүзүндөгү кырдаал жөнүндө түрдүү көз караштарды, анын ичинде башкалар айтпаган пикирлерди чагылдыруу максатында иштеп жаткандыгын билдирди.
"Латвия Республкасынын каттоого алуучу органы эл аралык укук ченемдерине, сөз жана басма сөз эркиндигинин түпкүлүктүү принциптерине ылайык чечим кабыл алат деген ишеничтебиз", — деди Симоньян.
Sputnik (sputniknews.com) — ондогон өлкөлөрдөгү мультимедиалык хабдарга ээ маалымат агенттиги жана радио. Sputnik өзүнө сайттары, аналогдук жана санариптик радио берүүлөрдү, уюлдук тиркемелери жана социалдык түйүндөрдө беттерди камтыйт.
Sputnik сайтынын жаңылыктар түрмөгү күнү-түн англис, араб, испан жана кытай тилдеринде чыгып турат.
Sputnik сайттары англис, араб, испан, итальян, кытай, польша, португал, серб, түрк, француз жана хинди сыяктуу ондогон тилдерде чыгат. Sputnik сайты инфографика, видео, фоторепортаж, интернет-добуш берүү сыяктуу көп түрдүү контенттерди сунуштайт. Шашылыш маалыматтардан сырткары, Sputnik аудиторияга аналитикалык материалдарды, эксклюзивдүү маектерди, эксклюзивдүү бааларды алып чыгат.
