Окуяга күбө болгон Мухтар Шайкеевдин айтымында Тойота Ланд-Крузер автоунаасы Фрунзе көчөсү менен келе жатып, кызыл жарыкка карабай жолдон өтүп, бульварда кетип бараткан БМВ Х-5 автоунаасын сүзгөн.
"Кагышкандан кийин Х-5 айланып барып, жол жээгинде турган Тойота Рав-4 автоунаасын барып какты. Анын ичинде бир аял бар экен", — деди Шайкеев.
Окуя болгон жерге жол кайгуул кызматынын кызматкерлери келип, кырсыктын чоо-жайын аныкташты.
