БИШКЕК, 2-июль — Sputnik. Өлкөдө биологиялык ата-энелери болсо да, балдар үйүнө жана интернаттарда жашап жаткан балдардын саны көбөйүп бара жатат. Бул жагымсыз абал туурасында ЖК депутаты Наталья Никитенко балдар темасына арналган тегерек столдо айтты.
Никитенконун айтымында, алардын басымдуу бөлүгү мигранттардын балдары.
"Булар ата-энелери эмгек миграциясына сыгып кеткен, жакындары менен алыс туугандарынын колунда аргасыз калып, балдар үйлөрүнө тапшырылган социалдык жетимдер. Балдарга карата зордук-зомбулук фактыларынын саны дагы арбып барат. Андыктан интернат түрүндөгү мекемелерди жакшыртуунун бирдей жол-жоболорун иштеп чыгуу зарыл", — деди депутат.
Тегерек столго катышкан Билим берүү жана илим министрлигинин, Социалдык өнүктүрүү, Саламаттык сактоо жана Ички иштер министрлктеринин өкүлдөрү балдарды кароосуз калышына тышкы миграция да себеп болуп жатканын белгилешти.
