БИШКЕК, 2-июль — Sputnik. Премьер-министр Темир Сариев Европа биримдигинин Борбор Азия боюнча атайын өкүлү Петер Бурианды кабыл алганын өкмөттүн маалымат кызматы билдирет.
Жолугушууда тараптар ЕБ менен Кыргызстандын ортосунда көп тармактуу кызматташуу маселелерин талкуулады.
Сариев Петер Бурианды ЕБнын Борбор Азия боюнча атайын өкүлү болуп дайындалышы менен куттуктап, Европа Биримдигинин Кыргызстанга көрсөткөн гранттык жана техникалык жардамын жогору баалай турганын билдирди.
"Кыргызстан ЕБнын 2014-2020-жылдарга карата узак мөөнөттүү индикативдик программасын ийгиликтүү аткарарына ишенем", — деди премьер.
Өз кезегинде Петер Бурианс Европа Биримдиги Кыргызстан менен кызматташтыкты кеңейтүүгө даяр экенин белгилеп өттү.
